قلبي تولع بالريـــــاض ..

.

.

يوم أن اهتزت الأرض وربت أنبتت زهرة في وسط نجد
كبرت وتكاثرت وازينت بحب أهلها … رغم قسوة جغرافيتها الصحراوية
فأصبحت رياضاً للوطن
أعشق مناجاتها في مساءاتها المتأخرة و ساعات الفلق …
أحب جدب وجنتيها حين تبلل بقطرات المطر الأولى …
أحبها حين ترتدي ثوبها الربيعي الفاتن الذي يحرك فيني كل كوامن عشقها

في قربها .. تخنقني جفافاً وتصحراً وازدحاماً .. وفي بعدها .. تقتلني حنيناً واشتياقاً ..

وفي كل مرة أعود إليها بعد سفرٍ خارجها .. يتجدد حبها ويزداد جمالها

ولأن الكمال لله … ولأني أحبها … لم أُري نفسي منها إلا ذلك ..

***

للبــــدر :

الليالي الوضح .. والعتيم الصبح .. بان لي وجه الرياض ..
في الليالي الوضح .. والعتيم الصبح .. لاح لي وجه الرياض ..
في مراياالسحب ..
بكفها فلت جديله من حروف .. وقصة الحنا طويله في الكفوف ..
من نده عطر الرفوف ؟! .. لين صحاه في ثيابك ..
وفي الهـبوب ..
أنثنينا.. ياهبوب النعاس .. والحلم .. ألف غصن من اليباس..
فز.. لاجلك وانثنى .. اكسري الأوهام.. كأس.. والمواجع.. فم..
وان عشقتيني انا..ماأبي من الناس ناس ..
ماعلينا لو طربنا وانتشـينا..
آه ماأرق الرياض تالي الليل..
أنا لو أبي .. خـذتها بيدها.. ومشـينا..

يانصيبي من الصور .. والرسايل ..
ومن كل شمس قايمه .. ومن كل ظل مايل..
يامكاني من البيوت.. ومن الصحاري اللي فرقت فكري.. قبايل..

وين أحـب الليله .. وين أهيم ؟؟
اقبلي مثل ديم .. ومثل نار في هشيم..
في غصون الضي .. من ليل الغضا..
وبين ماخلا النخيل من الفضا.. ومانسى الغيم..

اقبلي .. يابخت لي عيوني من الربيع..
وطل وجهي من الشتا.. ومثل صوتي من الهبوب..
اقبلي مثل الرياض .. من تعاريج الدروب..
في ضلوع الوادي .. وين حبيتك .. قمر ..فوق طين اجدادي..

أرفعي طرقة الشيله عن سـديم..
وكوكب وهـاج .. وأقطعيني بنصل .. طرف سـادر وحجاج ..
شـقـقيني .. يالهبوب العارضيه .. واهـدميني سـياج ..
لين أغني .. الهوى ماهـو خطيه .. آه ماأرق الرياض ..

بصوت أبو نورة